ویب ڈیسک:بالی ووڈ اداکار سلما  ن خان  نے کہا ہے کہ اگر حکومت اجاز ت دے تو میں پاکستانی اداکاروں کے ساتھ کام کرنے  کیلئے تیار ہوں۔ 

تفصیلات کے مطابق اپنی فلم ’سکندر‘ کی ممبئی میں تشہیر کرتے ہوئے سلمان خان نے میڈیا ٹاک کے دوران متعدد سوالات کا جواب دیا۔

انہوں نے صحافیوں سے بات چیت کے دوران کہا کہ میں پاکستانی فنکاروں کے ساتھ کام کرنے کیلئے  تیار ہوں، صحافی کمیونٹی بس حکومت سے اجازت لے آئیں۔

بالی ووڈ ادکار  کا کہنا ہے کہ اگر بھارتی حکومت پاکستانی فنکاروں کو ویزا اور ملک میں آنے اور کام کرنے کی اجازت دیتی ہے تو میں بالکل تیار ہوں۔

بھارتی حکومت کی جانب سے اجازت نہ ملنے کے سوال پر سلمان خان نے پاکستان اور بھارت کے   درمیان  کھیلی  جانیوالی  کرکٹ کا مذاق اڑاتے ہوئے کہا کہ اگر بھارتی حکومت نے اجازت نہ دی تو میں کرکٹ کھیلوں گا۔

انہوں نے بھارت میں پاکستانی فنکاروں کے کام کرنے کا دفاع کرتے ہوئے مزید کہا کہ وہ (پاکستانی اداکار) فنکار ہیں، دہشتگرد نہیں۔

یاد  رہے کہ 2016ء سے بھارت نے پاکستانی فنکاروں پر غیر سرکاری پابندی عائد کر رکھی ہے۔